Xəbərlər

Təhsil işçilərinin səmərəli istirahəti davam edir

Azərbaycan Həmkarlar İttifaqları Konfederasiyası və Elm və Təhsil İşçiləri Həmkarlar İttifaqı Respublika Komitəsi tərəfindən müəllimlər üçün təqdim olunan istirahət paketləri çərçivəsində təhsil işçilərinin səmərəli istirahəti təşkil edilir.

Elm və Təhsil İşçiləri Həmkarlar İttifaqı Ağcabədi Rayon Komitəsinin üzvləri hazırda Nabran qəsəbəsində yerləşən “Şahdağ” İstirahət Mərkəzində istirahət edirlər.

İstirahət edən həmkarlar ittifaqı üzvləri onlar üçün yaradılmış şəraitə görə təşkilatçılara minnətdarlıqlarını bildiriblər.

“Bir ömrün müəllimlik salnaməsi

Elm və Təhsil İşçiləri Həmkarlar İttifaqı Ağcabədi Rayon Komitəsinin təşkilatçılığı ilə ömrünü gənc nəslin təlim-tərbiyəsinə həsr etmiş, Azərbaycan Respublikasının Əməkdar müəllimi Zəhra İbrahimovanın anadan olmasının 74 illiyi münasibətilə bədii-yaradıcılıq tədbiri keçirilib.

Tədbir Ümummilli Lider Heydər Əliyevin və Vətən uğrunda canlarından keçmiş şəhidlərimizin əziz xatirəsinin bir dəqiqəlik sükutla yad olunması ilə başlayıb.

Çıxışlarda vurğulanıb ki, müəllimlik peşənin daşıyıcısı olan Zəhra İbrahimova uzun illər ərzində göstərdiyi xidmətlərə görə “Əməkdar müəllim”, “İlin müəllimi” və “Baş müəllim” kimi fəxri adlara layiq görülüb.

Zəhra müəllimin yetirmələri respublika fənn olimpiadalarında, müxtəlif elm yarışlarında və müsabiqələrdə yüksək nailiyyətlər qazanıblar. Bu gün əmək veteranı olmasına baxmayaraq,Ağcabədi Rayon Ağsaqqallar Şurasının fəal üzvlərindən biridir.

Tədbirdə “Aran yolu” qəzetinin baş redaktoru Məhsəti Musa, Qarabağ Regional Təhsil İdarəsinin Ağcabədi rayonu üzrə təhsil sektorunun əməkdaşı Əliş Rüstəmli, Ağcabədi Rayon İcra Hakimiyyəti başçısının müavini Vüsalə Məmmədova, Azərbaycan Yazıçılar Birliyinin üzvü Gündüz Sevindik, Ağsaqqallar Şurasının sədri Əlizadə Nəcəfov, Ağcabədi Rayon İcra Hakimiyyəti yanında İctimai Şuranın sədri Vaqif Qarayev, Mirzə Fətəli Axundov adına 3 nömrəli məktəb-liseyin direktoru Mətanət Quliyeva və Zəhra müəllimlə uzun illər birgə çalışmış ziyalı Tofiq Zeynalov çıxış edərək onun həyat və fəaliyyətindən, pedaqoji xidmətlərindən və unudulmaz xatirələrindən bəhs ediblər.

ETİHİ Ağcabədi Rayon Komitəsi adından hörmətli Zəhra müəllimi 74 illik yubileyi münasibətilə təbrik edir, ona uzun ömür, cansağlığı və yeni uğurlar arzulayırıq!

Şuşa, sən azadsan!

Ağcabədi rayonunun Elxan Məmmədov adına Şənlik kənd tam orta ümumtəhsil məktəbinin həmkarlar təşkilatının sədri Rəhimova Əsli Rəhim qızının təşkilatçılığı ilə həmkarlar ittifaqı üzvləri üçün Ağdam–Xocalı–Xankəndi–Şuşa istiqamətində yaddaqalan tur-gəzinti təşkil olunub.

Turun əsas məqsədi 2020-ci ilin iyul döyüşlərində qəhrəmancasına şəhid olaraq Zəfərə aparan yolun başlanğıcına öz qanı və igidliyi ilə imza atan Azərbaycanın Milli Qəhrəmanı, general-mayor Polad Həşimovun anım gününü Qarabağ torpağında ehtiramla qeyd etmək olub.

Azərbaycan Silahlı Qüvvələrinin general-mayoru Polad Həşimov Vətənə sonsuz sədaqətin, yüksək vətənpərvərliyin və fədakarlığın parlaq nümunəsi kimi xalqımızın yaddaşında əbədi yaşayır. Onun adı bu gün də Vətənə xidmətin, cəsarətin və əsl zabit şərəfinin rəmzi olaraq böyük ehtiramla anılır.

Xankəndi şəhərində məktəbin biologiya müəllimi Qəşəng Həşimova çıxış edərək general-mayor Polad Həşimovun şərəfli həyat və döyüş yolundan, eləcə də Azərbaycanın ərazi bütövlüyü uğrunda qəhrəmancasına şəhid olmuş oğullarımızın göstərdikləri misilsiz qəhrəmanlıqlardan bəhs edib. Tədbir iştirakçıları şəhidlərimizin və Milli Qəhrəman Polad Həşimovun əziz xatirəsini dərin ehtiramla yad ediblər.

Tur iştirakçıları Ağdam, Xocalı, Xankəndi və Şuşa şəhərlərində həyata keçirilən genişmiqyaslı abadlıq, quruculuq və bərpa işləri ilə yaxından tanış olub, tarixi və mədəni abidələri ziyarət ediblər. Eyni zamanda, Qarabağın füsunkar təbiəti, doğma yurd yerlərimizin yenidən dirçəlişi və inkişafı iştirakçılarda qürur və sevinc hissi yaradıb.

Bir günlük səfərin sonunda məktəb kollektivi və həmkarlar ittifaqı üzvləri təhsil işçilərinə göstərilən diqqət və qayğıya, onların asudə vaxtının səmərəli təşkilinə verdiyi dəstəyə görə Azərbaycan Həmkarlar İttifaqları Konfederasiyasına və Elm və Təhsil İşçiləri Həmkarlar İttifaqı Respublika Komitəsinə dərin minnətdarlıqlarını ifadə ediblər.

Təhsil işçilərinin səmərəli istirahəti davam edir

Elm və Təhsil İşçiləri Həmkarlar İttifaqı Ağcabədi Rayon Komitəsinin təşəbbüsü ilə Poladlı kənd tam orta ümumtəhsil məktəbinin həmkarlar ittifaqı üzvləri üçün Qax şəhərinə istirahət turu təşkil olunub.

Tur iştirakçıları Qax şəhərinin tarixi abidələri, müasir şəhərsalma infrastrukturu ilə tanış olub, eyni zamanda füsunkar təbiət mənzərələri fonunda səmərəli istirahət ediblər.

Bu təşəbbüs təhsil işçilərinin asudə vaxtının səmərəli təşkilinə, onların sosial rifahının yüksəldilməsinə və sağlam istirahətinin təmin olunmasına xidmət edir.

İstirahət edən həmkarlar yaradılan şəraitə görə Azərbaycan Həmkarlar İttifaqları Konfederasiyasına və Elm və Təhsil İşçiləri Həmkarlar İttifaqı Respublika Komitəsinə öz minnətdarlıqlarını bildiriblər.

Müəllimlərin Yay Məzuniyyəti.

Azərbaycan Həmkarlar İttifaqları Konfederasiyası (AHİK) və Elm və Təhsil İşçiləri Həmkarlar İttifaqı Respublika Komitəsinin birgə təşkilatçılığı ilə təhsil işçilərinin səmərəli istirahətinin təşkili istiqamətində həyata keçirilən silsilə tədbirlər davam edir.

06.07.2026-cı il Elm və Təhsil İşçiləri Həmkarlar İttifaqı Ağcabədi Rayon Komitəsinin həmkarlar ittifaqı üzvüləri Təhsil İstirahət Mərkəzində istirahət etmək imkanı qazanıb.

İstirahət edən həmkarlar ittifaqı üzvləri onlar üçün yaradılan şəraitdən məmnunluqlarını ifadə edərək, göstərilən diqqət və qayğıya görə Azərbaycan Həmkarlar İttifaqları Konfederasiyasına və Elm və Təhsil İşçiləri Həmkarlar İttifaqı Respublika Komitəsinə səmimi təşəkkürlərini bildiriblər.

Təhsil işçilərinin səmərəli istirahəti davam edir

Elm və Təhsil İşçiləri Həmkarlar İttifaqı Ağcabədi Rayon Komitəsinin təşəbbüsü ilə H.Məmmədov adına Qaradolaq kənd 1 nömrəli tam orta ümumtəhsil məktəbinin həmkarlar ittifaqı üzvlərinin Göy göl şəhərinə səmərəli istirahətləri təmin olundu.

Bu təşəbbüs təhsil işçilərinin asudə vaxtının səmərəli təşkili və sosial rifahının yüksəldilməsinə xidmət edir.

İstirahət edən həmkarlar yaradılan şəraitə görə Azərbaycan Həmkarlar İttifaqları Konfederasiyasına və Elm və Təhsil İşçiləri Həmkarlar İttifaqı Respublika Komitəsinə təşəkkürlərini ifadə ediblər.

Həmkarlar ittifaqı üzvlərinin səmərəli istirahəti

Elm və Təhsil İşçiləri Həmkarlar İttifaqı Ağcabədi Rayon Komitəsinin dəstəyi ilə təhsil müəssisələrinin həmkarlar ittifaqı üzvlərinin asudə vaxtının səmərəli təşkili məqsədilə mütəmadi olaraq müxtəlif tur və ekskursiyalar təşkil olunur.

Bu çərçivədə Ağcabədi rayon Aran 1 və Aran 3 nömrəli körpələr evi–uşaq bağçalarının həmkarlar ittifaqı üzvləri üçün Qax şəhərinə birgünlük tur təşkil edilib.

Tur iştirakçıları Qaxın zəngin təbiəti, tarixi və görməli məkanları ilə yaxından tanış olub, təbiət qoynunda xoş və yaddaqalan istirahət edərək gündəlik iş gərginliyindən uzaqlaşıb mənəvi rahatlıq əldə ediblər.

Tur iştirakçıları onlar üçün yaradılan şəraitə və göstərilən diqqətə görə Azərbaycan Həmkarlar İttifaqları Konfederasiyasına və Elm və Təhsil İşçiləri Həmkarlar İttifaqı Respublika Komitəsinə təşəkkürlərini bildiriblər.

Tələbə direktorlar 📚✨ Öyrənmək heç vaxt bitmir. Hər yeni mərhələ insanı arzularına bir addım da yaxınlaşdırır.

Öyrənmək heç vaxt bitmir. Hər yeni mərhələ insanı arzularına bir addım da yaxınlaşdırır.

Daha bir tədris ili uğurla başa çatdı. İkinci ali təhsilin II kursunu yüksək nəticələrlə başa vuran tələbə direktorlar – Azərbaycan Dövlət İqtisad Universitetinin (UNEC) tələbələri Pünhanə Kamalzadə və Vüsalə Əliyeva bu uğurları ilə daim inkişafın və öyrənməyin ən gözəl nümunəsini nümayiş etdirirlər.

Elm və Təhsil İşçiləri Həmkarlar İttifaqı Ağcabədi Rayon Komitəsi adından onları təbrik edir, təhsil və əmək fəaliyyətlərində yeni-yeni uğurlar arzulayırıq!

🌿 Müəllimlərimizin sağlamlığı bizim üçün dəyərlidir!

Azərbaycan Həmkarlar İttifaqları Konfederasiyasının və Elm və Təhsil İşçiləri Həmkarlar İttifaqı Respublika Komitəsinin xətti ilə təqdim olunan sanatoriya-kurort yollayışlarından həmkarlar ittifaqı üzvləri faydalanmağa davam edirlər.

Bu dəfə QRTİ Ağcabədi Rayon Məmməd Aranlı adına 11 nömrəli tam orta ümumtəhsil məktəbinin müəllimləri Əliyeva Zoya Alı qızı və Mirzəyeva Tərlan Əsgər qızı Şıx sanatoriyasında müalicə alaraq sağlamlıqlarını bərpa edir, istirahətlərini səmərəli keçirirlər.

Həmkarlar ittifaqı üzvlərinin sağlamlığının qorunması, sosial rifahının yaxşılaşdırılması və asudə vaxtının səmərəli təşkili istiqamətində fəaliyyətimiz davam edir.

Müəllimlərin istirahətinin təşkili

Ağcabədi rayonu 6 nömrəli tam orta ümumtəhsil məktəbinin həmkarlar təşkilatının sədri Rövşən Quliyevin təşkilatçılığı ilə həmkarlar ittifaqı üzvləri üçün İsmayıllı şəhərinə birgünlük tur-gəzinti təşkil olunub.

Turun əsas məqsədi məktəbin müəllimləri, texniki işçilərin asudə vaxtlarını səmərəli və mənalı şəkildə təşkil etmək olub.

Məktəb kollektivi həmkarlar ittifaqı üzvlərinə göstərilən diqqət və qayğıya, görə Azərbaycan Həmkarlar İttifaqları Konfederasiyasına və Elm və Təhsil İşçiləri Həmkarlar İttifaqı Respublika Komitəsinə dərin minnətdarlıqlarını ifadə ediblər.

🍀TƏHSİL İSTİRAHƏT MƏRKƏZİ🍀

Azərbaycan Həmkarlar İttifaqları Konfederasiyası və Elm və Təhsil İşçiləri Həmkarlar İttifaqı Respublika Komitəsinin təşkilatçılığı ilə müəllimlərin səmərəli istirahəti davam edir.

ETİHİ Ağcabədi Rayon Komitəsinin üzv təşkilatlarının 11 nəfər üzvləri də Təhsil İstirahət Mərkəzində istirahət edirlər.

Həmkarlar ittifaqı üzvləri onlara göstərilən diqqət və qayğıya görə Azərbaycan Həmkarlar İttifaqları Konfederasiyasına və Elm və Təhsil İşçiləri Həmkarlar İttifaqı Respublika Komitəsinə təşəkkürlərini bildiriblər.

🏆 Növbəti uğurumuz!

QRTİ Ağcabədi şəhər Səməd Vurğun adına 4 nömrəli tam orta ümumtəhsil məktəbi Azərbaycan Respublikasının Elm və Təhsil Nazirliyi, ARTİ və MÜTDA-nın birgə həyata keçirdiyi “BilBacar” layihəsinin yekun mükafatlandırma mərasimində “Ən Fəal İştirakçı” nominasiyası üzrə qalib olub.

Bu uğurun qazanılmasında əməyi olan məktəbin BilBacar koordinatoru Ələsgərli Fatmaxanım müəllimi, məktəbin direktoru Bayram Novruzlu və bütün pedaqoji kollektivi Elm və Təhsil İşçiləri Həmkarlar İttifaqı Ağcabədi Rayon Komitəsi adından səmimi qəlbdən təbrik edir, fəaliyyətlərində yeni-yeni uğurlar arzulayırıq.

Bu nailiyyət məktəbin peşəkarlığının, müəllimlərin fədakar əməyinin və şagirdlərin inkişafına göstərilən yüksək diqqətin bariz nümunəsidir.

Təbrik edirik! Yeni uğurlarınız bol olsun!