Xəbərlər

🌿 HƏMKARLAR İTTİFAQI ÜZVÜLƏRİ ŞƏKİ ŞƏHƏRİNDƏ OLDU.

Ağcabədi rayon Vidadi Məlikov adına Minəxorlu kənd tam orta ümumtəhsil məktəbin həmkarlar təşkilatının sədri Qurbanova Sədaqət Sevdimalı qızı təşkilatçılığı ilə məktəbin həmkarlar ittifaqı üzvləri üçün Şəki şəhərinə bir günlük ekskursiya təşkil olunub.

Ekskursiyanın əsas məqsədi əmək məzuniyyətində olan müəllim və texniki işçilərin istirahətinin səmərəli təşkil edilməsi, Şəki şəhərinin tarixi abidələri , dahi şəxslərin ev muzeyləri ilə tanış olmaq ,aparılan genişmiqyaslı quruculuq, abadlıq və yenidənqurma işləri ilə yaxından tanış olmalarıdır.

Məktəb kollektivi həmkarlar ittifaqı üzvlərinə göstərilən diqqət və qayğıya, istirahətin və asudə vaxtın səmərəli təşkilinə yaradılan şəraitə görə Azərbaycan Həmkarlar İttifaqları Konfederasiyasına (AHİK) və Elm və Təhsil İşçiləri Həmkarlar İttifaqı Respublika Komitəsinə (ETİHİ) təşəkkürünü bildirir.

ŞƏHİD AİLƏSİ İLƏ GÖRÜŞ.

Yeni tədris ilinin başlanması münasibətilə Elm və Təhsil İşçiləri Həmkarlar İttifaqı Ağcabədi Rayon Komitəsinin nümayəndə heyəti təhsil müəssisəsində çalışan şəhid ailələsi ilə görüş keçirib.

Bu məqsədlə Ağcabədi şəhər Səməd Vurğun adına 4 nömrəli tam orta ümumtəhsil məktəbinin texniki işçisi, şəhid həyat yoldaşı Qumru Süleymanovanın ailəsində görüş keçirilib.

Görüşün əsas məqsədi Vətənimizin azadlığı və müstəqilliyi uğrunda şəhidlik zirvəsinə ucalmış Həsən Süleymanovun həyat yoldaşı Qumru xanımın və övladları Fatimə və Hüseynin yeni tədris ilinə hazırlıqları, ailənin sosial vəziyyəti və qayğıları ilə maraqlanmaq, onlara mənəvi dəstək göstərmək olub.

Səmimi söhbət zamanı şəhid ailəsinin qayğıları dinlənilib, yeni tədris ili münasibətilə Qumru xanıma və övladlarına uğurlar və xoş arzular çatdırılıb.

Görüşdə həmkarlar ittifaqı üzvləri, ETİHİ Ağcabədi Rayon Komitəsinin Müharibə işləri üzrə komissiyasının sədri, Uşaq-Gənclər İnkişaf Mərkəzinin həmkarlar təşkilatının sədri və digər nümayəndələr iştirak ediblər.

Şəhid ailələrinə diqqət və qayğı göstərmək, onların sevincinə şərik, qayğılarına isə dayaq olmaq hər birimizin mənəvi borcudur.

ETİHİ Ağcabədi Rayon Komitəsi olaraq yeni tədris ili ərəfəsində təhsil sahəsində çalışan şəhid ailələrini ziyarət etməyi, onların qayğıları ilə maraqlanmağı və hər zaman yanlarında olmağı özümüzə mənəvi borc bilirik.

🏞️🏡 🌿 MÜƏLLİMLƏRİN İSTİRAHƏTİNİN SƏMƏRƏLİ TƏŞKİLİ

Ağcabədi rayon Ağabəyli kənd orta ümumtəhsil məktəbin həmkarlar təşkilatının sədri -Bağırova Sevda Rəhbər qızının təşkilatçılığı ilə məktəbin həmkarlar ittifaqı üzvləri üçün Ağdam–Xocalı–Xankəndi–Şuşa istiqamətində bir günlük ekskursiya təşkil olunub.

Ekskursiyanın əsas məqsədi əmək məzuniyyətində olan müəllim və texniki işçilərin istirahətinin səmərəli təşkil edilməsi, onların işğaldan azad olunmuş ərazilərdə aparılan genişmiqyaslı quruculuq, abadlıq və yenidənqurma işləri ilə yaxından tanış olmalarıdır.

Məktəb kollektivi həmkarlar ittifaqı üzvlərinə göstərilən diqqət və qayğıya, istirahətin və asudə vaxtın səmərəli təşkilinə yaradılan şəraitə görə Azərbaycan Həmkarlar İttifaqları Konfederasiyasına (AHİK) və Elm və Təhsil İşçiləri Həmkarlar İttifaqı Respublika Komitəsinə (ETİHİ) təşəkkürünü bildirir.

Həmrəylik, qayğı və birlik – sağlam kollektivin gücüdür!

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

ŞƏHİD AİLƏSİ İLƏ GÖRÜŞ.

Yeni tədris ilinin başlanması münasibətilə Elm və Təhsil İşçiləri Həmkarlar İttifaqı Ağcabədi Rayon Komitəsinin nümayəndə heyəti şəhid ailəsi ilə görüş keçirib.

Görüş Ağcabədi şəhər 1 nömrəli tam orta ümumtəhsil məktəbinin Azərbaycan dili və ədəbiyyat müəllimi, vətənimizin azadlığı və müstəqilliyi uğrunda şəhidlik zirvəsinə ucalmış Abbasov Akif Elşən oğlunun anası Xanım Mehdiyeva ilə keçirilib.

Görüşdə məktəbin direktoru Samirə Nəsirova, ETİHİ Ağcabədi Rayon Komitəsinin Müharibə işləri üzrə komissiyasının sədri, Samirə Xuduyeva, Uşaq-Gənclər İnkişaf Mərkəzinin həmkarlar təşkilatının sədri Afət Zeynalova və digər nümayəndələr iştirak ediblər.

Səmimi görüş zamanı Xanım Mehdiyevaya möhkəm cansağlığı, uzun ömür, ailə səadəti və yeni tədris ilində uğurlar arzulanıb. Xanım müəllim isə tədris ilində gözlənilən yeniliklərdən, şagirdlərindən və müəllimlik fəaliyyətindən qürurla bəhs edib.

Şəhid ailələrinə diqqət və qayğı göstərmək, onların yanında olmaq hər birimizin mənəvi borcudur.

ETİHİ Ağcabədi Rayon Komitəsi olaraq yeni tədris ili ərəfəsində təhsil sahəsində çalışan şəhid ailələrini ziyarət etməyi və onların qayğılarını bölüşməyi özümüzə borc bilirik.

Şəhidlərimizin əziz xatirəsi daim qəlbimizdədir!

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

Yeni tədris ilində hər kəsə uğurlar arzulayırıq! 📚🌟

Ağcabədi rayonunda 2026–2027-ci tədris ilinin başlanması ilə əlaqədar təhsil işçilərinin Sentyabr konfransı keçirilib.

Konfransda Ağcabədi Rayon İcra Hakimiyyəti başçısının müavini, Ərazi-təşkilat və ictimai-siyasi məsələlər şöbəsinin müdiri Vüsalə Məmmədova, Qarabağ Regional Təhsil İdarəsinin Tədrisin keyfiyyəti sektorunun müdiri Elməddin Bəşirov, Ağcabədi rayonu üzrə təhsil sektorunun müdiri Teymur Qasımov, ETİHİ Ağcabədi Rayon Komitəsinin sədri Arzu Niftalıyeva, eləcə də ümumi və məktəbəqədər təhsil müəssisələrinin rəhbərləri, qabaqcıl müəllimlər və metodistlər iştirak ediblər.

Tədbir Dövlət Himninin səsləndirilməsi ilə başlayıb, Azərbaycanın ərazi bütövlüyü və suverenliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.

Çıxışlarda yeni tədris ilinin əsas prioritetləri, təhsilin keyfiyyətinin yüksəldilməsi, şagird nailiyyətlərinin artırılması, müəllimlərin peşəkar inkişafının dəstəklənməsi, müasir təlim metodlarından səmərəli istifadə və məktəblərdə əlverişli təhsil mühitinin yaradılması istiqamətində qarşıda duran vəzifələr diqqətə çatdırılıb.

Bildirilib ki, 2026–2027-ci tədris ilində əsas hədəf mövcud çətinliklərin aradan qaldırılması, təhsil nəticələrinin daha da yaxşılaşdırılması və hər bir şagird üçün inkişafyönümlü təhsil mühitinin formalaşdırılmasıdır.

Yeni tədris ilinin bütün müəllim, şagird, təhsil işçisi və valideynlərə uğur, sağlamlıq və yüksək nailiyyətlər gətirməsini arzulayırıq!

Vəzifə səlahiyyətlərini səmərəli icra edən gənc təhsil işçiləri

Peşəkarlıq, məsuliyyət və obyektivlik – uğurlu fəaliyyətin əsas göstəriciləridir.

Elm və Təhsil İşçiləri Həmkarlar İttifaqı Ağcabədi Rayon Komitəsində Ağcabədi rayonu üzrə Təhsil Sektorunun məsləhətçisi Rüstəmli Əliş Akif oğlunun peşəkar fəaliyyəti ilə bağlı görüş keçirilib.

Görüşün əsas məqsədi təhsil sahəsində baş verən yenilikləri, müasir və innovativ təlim yanaşmalarını yüksək səviyyədə mənimsəyən, vəzifə səlahiyyətlərini məsuliyyətlə icra edən gənc mütəxəssislərin fəaliyyətini diqqətə çatdırmaq, onların işə yanaşmasını və həmkarlar ittifaqı ilə əməkdaşlığını öyrənmək olub.

Görüş zamanı Əliş Rüstəmli öz fəaliyyət prinsiplərindən danışaraq bildirib:

“İşimə hər zaman məsuliyyətlə və obyektiv yanaşmağa, üzərimə düşən vəzifələri vicdanla və düzgün şəkildə yerinə yetirməyə çalışıram. Mənim üçün peşəkarlıq yalnız verilən tapşırıqları icra etmək deyil, eyni zamanda işə diqqətli, ədalətli və məsuliyyətli münasibət göstərməkdir.”

Əliş müəllimin fəaliyyətində nümayiş etdirdiyi yüksək məsuliyyət, obyektivlik və peşəkar yanaşma Qarabağ Regional Təhsil İdarəsinin müdiri Sənan Mənsimli tərəfindən yüksək qiymətləndirilib və o, vəzifə səlahiyyətlərini səmərəli icra etdiyinə görə Fəxri fərmanla təltif olunub.

Bu qiymətləndirmə Əliş müəllim üçün həm qürurverici, həm də gələcək fəaliyyətində daha böyük uğurlara stimul verən mühüm motivasiya olub.

Əliş Rüstəmli həmkarlar ittifaqının fəal üzvü kimi ETİHİ Ağcabədi Rayon Komitəsinin təşkil etdiyi mədəni-kütləvi tədbirlərdə, yarışlarda və təlimlərdə yaxından iştirak edir, kollektivdə komanda ruhunun, əməkdaşlığın və sağlam ünsiyyətin möhkəmləndirilməsinə öz töhfəsini verir.

İnanırıq ki, gənc və perspektivli mütəxəssis olaraq Əliş müəllim bundan sonra da fəaliyyətində yüksək məsuliyyət, obyektivlik və peşəkarlıq nümayiş etdirərək yeni uğurlara imza atacaq.

ETİHİ Ağcabədi Rayon Komitəsi olaraq Əliş Rüstəmlini yeni tədris ilinin başlanması münasibətilə təbrik edir, məsuliyyətli və səmərəli fəaliyyətində möhkəm cansağlığı, yeni nailiyyətlər və uğurlar arzulayırıq!

Şəhid anasının 70 illik yubileyi

Şəhid anasının 70 illik yubileyi qeyd olunub. Ağcabədi rayon Minəxorlu kənd körpələr evi–uşaq bağçasında həmkarlar təşkilatının sədri Kərimova Rafət Zülfü qızının təşkilatçılığı ilə uzun illər bu müəssisədə tərbiyəçi vəzifəsində çalışmış Qəhrəmanova Zeynəb Hüseyn qızının 70 illik yubileyi münasibətilə tədbir keçirilib.

Vətənin azadlığı və müstəqilliyi uğrunda şəhidlik zirvəsinə ucalmış Qəhrəmanov Taryelin anası Zeynəb xanımın yubiley tədbirinə Elm və Təhsil İşçiləri Həmkarlar İttifaqı Ağcabədi Rayon Komitəsinin nümayəndə heyəti, Şəhər 3 nömrəli körpələr evi–uşaq bağçasının müdiri, ETİHİ Ağcabədi Rayon Komitəsinin Müharibə işləri üzrə komissiyasının sədri, şəhid Cəfərov Anar Eyvaz oğlunun həyat yoldaşı Xuduyeva Samirə müəllim, həmçinin şəhid Taryelin təhsil aldığı məktəbin direktoru Amil Məlikov və kollektivi dəvət olunub.

Tədbirdə çıxış edən qonaqlar və bağça kollektivi Zeynəb xanımı 70 illik yubileyi münasibətilə təbrik edib, ona möhkəm cansağlığı, uzun ömür, ailə səadəti və xoş günlər arzulayıblar.

Peşəkarlığı, məsuliyyəti və uzun illər ərzində göstərdiyi səmərəli fəaliyyəti yüksək qiymətləndirilən Zeynəb xanım Elm və Təhsil İşçiləri Həmkarlar İttifaqı Ağcabədi Rayon Komitəsi tərəfindən Fəxri fərmanla təltif edilib.

Arzu edirik ki, Zeynəb xanımın bundan sonrakı ömrü də sevinc, xoş günlər və gözəl anlarla zəngin olsun.

70 illik yubileyiniz mübarək, Zeynəb xanım!

Şəhid anası kimi uca və şərəfli adınız qarşısında baş əyirik!

🍀☀️Təhsil işçilərinin səmərəli istirahəti davam edir

Ağcabədi Rayon Məhəmməd Füzuli adına Yeni Qaradolaq kənd tam orta ümumtəhsil məktəbinin həmkarlar ittifaqı üzvləri üçün Qəbələ- İsmayıllı şəhərinə turu təşkil olunub.

Bu təşəbbüs təhsil işçilərinin asudə vaxtının səmərəli təşkilinə, onların sosial rifahının yüksəldilməsinə və sağlam istirahətinin təmin olunmasına xidmət edir.

HƏMKARLAR TƏŞKİLATININ SƏDRİ .

Güclü həmkarlar təşkilatı – həmrəylik, birlik və əməkdaşlıq deməkdir!

Zeynalova Afət Uşaq Gənclər İnkişaf Mərkəzinin həmkarlar təşkilatının sədri kimi kollektivin hüquq və mənafelərinin qorunmasına, əməkdaşlar arasında həmrəyliyin möhkəmləndirilməsinə və sağlam iş mühitinin formalaşdırılmasına xüsusi diqqət yetirir.

Onun fəaliyyətinin əsas istiqamətlərindən biri həmkarlar ittifaqı üzvlərinin sosial rifahının və istirahətinin təmin olunması, müxtəlif mədəni-kütləvi və ictimai tədbirlərin təşkilinə dəstək göstərilməsi, kollektiv üzvlərinin müraciət və problemlərinə həssas yanaşılmasıdır.

Zeynalova Afət həmkarlar ittifaqının imkanlarından səmərəli istifadə edərək üzvlərin istirahətinin təşkili, onların hüquqlarının müdafiəsi və kollektivdə qarşılıqlı hörmət, birlik və əməkdaşlıq mühitinin gücləndirilməsi istiqamətində ardıcıl fəaliyyət göstərir.

Əməkdaşlıq, həmrəylik və qayğı – onun fəaliyyətinin əsas prinsipləridir!

ETİHİ Ağcabədi Rayon Komitəsi olaraq Afət müəllimə cansağlığı, həmkarlar İttifaqının fəaliyyətində uğurlar arzulayırıq!

🌿☀️ GÜCLÜ HƏMKARLAR TƏŞKİLATI – HƏMRƏYLİ, SAĞLAM VƏ QORUNAN KOLLEKTİV DEMƏKDİR!

Elm və Təhsil İşçiləri Həmkarlar İttifaqı (ETİHİ) Ağcabədi Rayon Komitəsinin əsas fəaliyyət istiqamətlərindən biri həmkarlar ittifaqı üzvlərinin istirahətinin səmərəli təşkili, asudə vaxtlarının mənalı və faydalı keçirilməsinin təmin olunması, kollektiv üzvləri arasında ünsiyyət və həmrəyliyin möhkəmləndirilməsidir.

İl ərzində ittifaq üzvləri Azərbaycanın füsunkar təbiəti, tarixi və görməli məkanları ilə tanış olub, müxtəlif istirahət mərkəzlərinə və sanatoriya-kurort müəssisələrinə yollanaraq xoş və yaddaqalan anlar yaşayıblar.

Bu cür səfərlər və sosial-mədəni tədbirlər həmkarlar ittifaqı üzvlərinin gündəlik iş gərginliyindən uzaqlaşmasına, mənəvi və fiziki cəhətdən dincəlməsinə, eyni zamanda kollektivlərdə birlik və əməkdaşlıq mühitinin güclənməsinə mühüm töhfə verir.

Bu dəfə Ağcabədi şəhər Camal İbrahimov adına 8 nömrəli tam orta ümumtəhsil məktəbinin müəllimi, şəhid bacısı, çalışdığı təhsil müəssisəsinin adını daşıdığı qəhrəman şəhidimiz C​​amal İbrahimovun bacısı Nüşabə müəllim e-AHİK rəqəmsal platforması vasitəsilə Quba şəhərində yerləşən “Nazlı Bulaq” istirahət mərkəzinə yollanaraq səmərəli istirahət edir.

Nüşabə müəllim həm pedaqoji fəaliyyəti ilə, həm də həmkarlar ittifaqının fəal üzvü kimi ictimai fəaliyyətində seçilir.

Nüşabə müəllim, göstərilən diqqət və qayğıya görə Azərbaycan Həmkarlar İttifaqları Konfederasiyasına (AHİK), Elm və Təhsil İşçiləri Həmkarlar İttifaqı Respublika Komitəsinə və ETİHİ Ağcabədi Rayon Komitəsinə təşəkkürünü bildirir.

Xoş istirahətlər, Nüşabə müəllim!

Sizə möhkəm cansağlığı, xoş ovqat və unudulmaz istirahət arzulayırıq!