Xəbərlər

"Novruz- 2026" düşərgəsi çərçivəsində tanınmış şair, yazıçı və kinodramaturq, İlqar Fəhmi ilə görüş keçirilib

Azərbaycan Həmkarlar İttifaqları Konfederasiyasının (AHİK) üzv təşkilatı olan Elm və Təhsil İşçiləri Həmkarlar İttifaqı (ETİHİ) Respublika Komitəsinin “Təhsil İstirahət Mərkəzi”ndə ali, orta ixtisas və peşə təhsili müəssisələrinin əməkdaşları üçün təşkil etdiyi “Novruz 2026” düşərgəsi çərçivəsində tanınmış yazıçı və kinodramaturq, əməkdar mədəniyyət işçisi İlqar Fəhmi ilə görüş keçirilib.

Görüş 2026-cı ilin Fəaliyyət Planında nəzərdə tutulmuş “Azərbaycan dilinin qorunması” üzrə tədbirlər çərçivəsində həyata keçirilib.

“Ədəbi dilimiz estetik-psixoloji müstəvidə” mövzusuna həsr olunan görüşdə yazıçı Azərbaycan dilinin saflığının qorunmasında ədəbiyyatın rolundan bəhs edib. O bildirib ki, ölkə başçısının Azərbaycan dilinin qorunması istiqamətində ictimaiyyətə ünvanladığı tövsiyələr mühüm əhəmiyyət kəsb edir və bu prosesdə təhsil işçilərinin müstəsna xidmətləri var. 

Qeyd olunub ki, qloballaşan dünyada dilin xarici təsirlərdən qorunması çətinləşsə də, ədəbiyyat və dilçilik sahəsində nəşrlər bu istiqamətdə mühüm rol oynayır.

Tədbirdə ETİHİ Respublika Komitəsi sədrinin birincu müavini Tehranağa Abdullayev çıxış edərək Azərbaycan dilinin saflığının qorunmasının komitənin fəaliyyət planının əsas istiqamətlərindən biri olduğunu vurğulayıb. Bildirilib ki, bu sahədə mütəmadi tədbirlər həyata keçirilir və məsələ təşkilatın prioritetləri sırasında xüsusi yer tutur.

Tədbir iştirakçıları Azərbaycan dilinin inkişafı və qorunması ilə əlagədar onları maraqlandıran sualları və təklifləri səsləndiriblər. Maraqlı müzakirələrlə keçən tədbir iştirakçılar tərəfindən rəğbətlə qarşılanıb, bu cür müzakirələrin davamlı olması təklif olunub.

Elm və Təhsil İşçiləri Həmkarlar İttıfaqı Ağcabədi Rayon Komitəsinin üzv təşkilatı , Etibar İsmayılov adına Hindarx qəsəbə 1 nömrəli tam orta ümumtəhsil məktəbin Həmkarlar Təşkilatının sədri Allahverdiyeva Lalə müəllimin təşkilatçılığı ilə Novruz bayramı münasibətilə Ağdam Şuşa Xankəndi şəhərlərinə tur təşkil olundu.

Elm və Təhsil İşçiləri Həmkarlar İttıfaqı Ağcabədi Rayon Komitəsinin üzv təşkilatı , Etibar İsmayılov adına Hindarx qəsəbə 1 nömrəli tam orta ümumtəhsil məktəbin Həmkarlar Təşkilatının sədri Allahverdiyeva Lalə müəllimin təşkilatçılığı ilə Novruz bayramı münasibətilə Ağdam Şuşa Xankəndi şəhərlərinə tur təşkil olundu.

Elm və Təhsil İşçiləri Həmkarlar İttifaqı olaraq məqsədimiz təhsil işçilərinin asudə vaxtının daha səmərəli təşkili və milli dəyərlərimizin təbliğidir.

Tur iştirakçıları onlara göstərilən diqqət və qayğıya görə Azərbaycan Həmkarlar İttifaqları Konfederasiyası və Elm və Təhsil İşçiləri Həmkarlar İttifaqı Respublika Komitəsinin sədrinə öz dərin minnətdarlıqlarını ifadə etdilər.

ETİHİ-nin “Novruz 2026” düşərgəsinin ikinci mərhələsinə start verilib

Ramazan və Novruz bayramları münasibətilə tətil günlərində təşkil edilən düşərgəyə 800-dən çox ittifaq üzvü cəlb olunub

Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqı (ETİHİ) Respublika Komitəsi tərəfindən “Təhsil İstirahət Mərkəzində” təşkil olunan ali, orta ixtisas və peşə təhsili müəssisələrinin əməkdaşları üçün “Novruz 2026” adlı düşərgəsinin ikinci mərhələsinə start verilib.

İki mərhələdə keçirilən düşərgəyə ümumilikdə 800- dən çox təhsil işçisi cəlb olunub.

Düşərgənin ikinci hissəsinin rəsmi açılış mərasimində Elm və Təhsil İşçiləri Həmkarlar İttifaqı Respublika Komitəsi sədrinin birinci müavini Tehranağa Abdullayev çıxış edərək Azərbaycan Həmkarlar İttifaqları Konfedrasiyasının sədri Sahib Məmmədov və ETİHİ Respublika Komitəsinin sədri Araz Paşayevin bayramlar münasibətilə təhsil işçilərinə təbriklərini çatdırıb, düşərgədə iştirak edən ittifaq üzvlərinə xoş istirahət və gələcək fəaliyyətlərində uğurlar arzu edib.

Əməkdar mədəniyyət işçisi şair, yazıçı, kinodramaturq İlqar Fəhmi təhsil ictimaiyyəti ilə tədbirdən böyük məmnunluq hissi keçirdiyini söyləyərək bu düşərgənin təşkil olunmasına görə Elm və Təhsil İşçiləri Həmkarlar İttifaqının rəhbərliyinə, əməyi keçən hər kəsə öz minnətdarlığını bildirib.

Tədbir rəsmi hissədən sonra tonqal ətrafında əyləncəli proqramla davam etdirilib.

Qeyd edək ki, tətil günlərində davam edən düşərgə proqramı çərçivəsində təhsil işçiləri üçün zəngin və çoxşaxəli maraqlı fəaliyyət planı hazırlanıb. Proqram həm milli-mədəni dəyərlərin təbliğini, həm də təhsil işçilərinin peşəkar inkişafını təşviq etməyə yönəlib.

Bayram tədbirləri çərçivəsində Novruzun qədim ənənələrini əks etdirən müxtəlif mədəni və əyləncəli tədbirlər təşkil edilib.

Bununla yanaşı, düşərgə müddətində Azərbaycanın tanınmış elm xadimləri və mütəxəssislərinin iştirakı ilə müxtəlif mövzularda təlim və seminarlar da təşkil olunub.

Müqəddəs ramazan bayramı münasibətilə açılan bayram süfrələri Şəki Qax şəhərlərində təşkil olundu.

Elm və Təhsil İşçiləri Həmkarlar İttıfaqı Ağcabədi Rayon Komitəsi, Hacıbədəlli kənd tam orta ümumtəhsil məktəbinin Həmkarlar Təşkilatı üzvüləri,mədəni kütləvi tədbirlərin təşkili,müqəddəs ramazan bayramı münasibətilə açılan bayram süfrələri Şəki Qax şəhərlərində təşkil olundu.

Həmkarlar İttifaqı üzvülərinin asudə vaxtını daha səmərəli təşkili, müasir memarlıq, infrastrukturun yenilənməsi və tarixi irsin qorunmasına dair gedən möhtəşəm işlərlə tanış olmaq,milli dəyərlərimizi təbliğ etməkdir.

Təşkil edilən tədbirdə Hacıbədəlli kənd tam orta ümumtəhsil məktəbinin kollektivi və yeni təyin edilən gənc direktoru Əliyev Anar Araz oğlu üçün həmkarlar komitəsi tərəfindən edilən böyük stimuldu. Yeni təyin edilən direktora işlərində uğurlar diləyirik.

Məktəb Həmkarlar təşkilatının sədri Qurbanov Cəfər Səfər oğlunun il boyu müəllimlərə göstərdiyi diqqət və ədalətli qərarları kollektivdə hörmətlə qarşılanır

Ağcabədi Rayon Həmkarlar İttifaqı üzvüləri, göstərilən diqqət və qayğıya görə Azərbaycan Həmkarlar İttifaqları Konfederasiyası və Elm və Təhsil İşçiləri Həmkarlar İttifaqı Respublika Komitəsinin sədrinə dərin minnətdarlıqlarını ifadə etdilər.

Novruz 2026” düşərgəsində təhsil işçiləri üçün süni intellekt mövzusunda təlim keçirilib

21–25 mart tarixlərində təşkil olunan “Novruz 2026” düşərgəsi çərçivəsində Elm və Təhsil İşçiləri Həmkarlar İttifaqı Respublika Komitəsinin üzvləri üçün “Təhsildə süni intellekt: yeni perspektivlər” mövzusunda maarifləndirici təlim keçirilib.

Təlim Mədəniyyət və İncəsənət Universitetinin Televiziya və Kino Studiyasının müdiri, süni intellekt üzrə mütəxəssis Azər Həsənov tərəfindən təqdim olunub. Tədbirin əsas məqsədi təhsil işçilərini süni intellekt texnologiyalarının imkanları ilə tanış etmək, onların tədris prosesində praktik tətbiq yollarını göstərmək və müasir rəqəmsal alətlərdən səmərəli istifadə bacarıqlarını inkişaf etdirmək olub.

Məlumat üçün bildirək ki, düşərgə iştirakçılarının çoxsaylı istəyi nəzərə alınaraq “Təhsildə süni intellekt: yeni perspektivlər” mövzusunda maarifləndirici təlim düşərgənin son günündə açıq hava şəraitində növbəti dəfə təşkil olundu.

Təlim zamanı iştirakçılara süni intellektin ümumi prinsipləri, müəllim və tələbələr üçün istifadəsi, dərs prosesinə inteqrasiyası, eləcə də məzmun yaradılması, vizual və video generasiya imkanları barədə praktiki nümunələr təqdim edilib. Bununla yanaşı, süni intellektdən istifadə zamanı etik qaydalar, akademik dürüstlük və plagiat məsələlərinə də xüsusi diqqət yetirilib.

Sessiya interaktiv müzakirələr və sual-cavab formatında davam edib. Təhsil işçilərinin fəal iştirakı ilə keçən görüş iştirakçılar tərəfindən böyük maraqla qarşılanıb və mövzu ətrafında geniş fikir mübadiləsi aparılıb.

Qeyd edək ki, bu cür təlimlər təhsil işçilərinin rəqəmsal bacarıqlarının artırılması və müasir texnologiyaların tədris mühitinə inteqrasiyası baxımından mühüm əhəmiyyət daşıyır.

Elm və Təhsil İşçiləri Həmkarlar İttıfaqı Ağcabədi Rayon Komitəsinin üzv təşkilatı ,Şəhər 1 nömrəli tam orta ümumtəhsil məktəbinin həmkarlar təşkilatının sədri Hacıyeva Nuridə müəllimin təşkilatçılığı ilə Novruz bayramı münasibətilə Ağdam Şuşa Xankəndi şəhərlərinə tur təşkil olundu.

Elm və Təhsil İşçiləri Həmkarlar İttıfaqı Ağcabədi Rayon Komitəsinin üzv təşkilatı ,Şəhər 1 nömrəli tam orta ümumtəhsil məktəbinin həmkarlar təşkilatının sədri Hacıyeva Nuridə müəllimin təşkilatçılığı ilə Novruz bayramı münasibətilə Ağdam Şuşa Xankəndi şəhərlərinə tur təşkil olundu.

Elm və Təhsil İşçiləri Həmkarlar İttifaqı olaraq məqsədimiz təhsil işçilərinin sosial müdafiəsini gücləndirməklə yanaşı, onların asudə vaxtının daha səmərəli təşkili və milli dəyərlərimizin təbliğini də diqqətdə saxlamaqdır.

Tur iştirakçıları onlara göstərilən diqqət və qayğıya görə Azərbaycan Həmkarlar İttifaqları Konfederasiyası və Elm və Təhsil İşçiləri Həmkarlar İttifaqı Respublika Komitəsinin sədrinə öz dərin minnətdarlıqlarını ifadə etdilər.

“Novruz 2026” düşərgəsində “Muğam aləminə səyahət” adlı görüş təşkil olunub

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqı (ETİHİ) Respublika Komitəsinin təşkilatçılığı ilə keçirilən “Novruz 2026” düşərgəsi çərçivəsində “Muğam aləminə səyahət” adlı görüş baş tutub.

Tədbirdə çıxış edən ETİHİ Respublika Komitəsinin sədr müavini Mirzə Cəfərzadə milli-mənəvi dəyərlərimizin qorunması və təhsil işçilərinə, o cümlədən gənc nəslə aşılanması baxımından belə görüşlərin əhəmiyyətini vurğulayıb. Bildirib ki, muğam sənəti xalqımızın zəngin mədəni irsinin ayrılmaz hissəsidir və bu irsin təbliği istiqamətində həyata keçirilən tədbirlər xüsusi önəm daşıyır.

Görüşdə Xalq artisti Teyyub Aslanov muğamın tarixi kökləri, ifaçılıq ənənələri və Azərbaycan musiqi mədəniyyətində tutduğu yer barədə ətraflı məlumat verib, iştirakçıların suallarını cavablandırıb.

Daha sonra Teyyub Aslanov tarda Vüsal Qasımovun, kamançada Anar Yusubun müşayiəti ilə muğam nümunələri və xalq mahnıları səsləndirib.

İfa olunan musiqi nömrələri düşərgə iştirakçıları tərəfindən maraq və alqışlarla qarşılanıb.

ETİHİ ittifaq üzvləri üçün tətil günlərində bayram düşərgəsi təşkil edib

Ramazan və Novruz bayramları münasibətilə tətil günlərində təşkil edilən düşərgəyə 800-ə yaxın ittifaq üzvü cəlb olunub.

Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqı (ETİHİ) Respublika Komitəsi tərəfindən “Təhsil İstirahət Mərkəzində ” ali, orta ixtisas və peşə təhsili müəssisələrinin əməkdaşları üçün “Novruz 2026” adlı düşərgə təşkil olunub.

İki mərhələdə tışkil edilən düşərgədə ümumilikdə 800-ə yaxın təhsil işçisi iştirak edəcək.

Düşərgənin 1-ci hissəsinin açılış mərasimində Elm və Təhsil İşçiləri Həmkarlar İttifaqı Respublika Komitəsi sədrinin müavini Mirzə Cəfərzadə çıxış edərək komitə sədri Araz Paşayevin Müqəddəs Ramazan və Novruz bayramları münasibətilə təhsil işçilərinə təbriklərini çatdırıb, düşərgədə iştirak edən respublikanın müxtəlif bölgələrindən olan ali, orta ixtisas və peşə təhsili müəssisələrində çalışan ittifaq üzvlərinə xoş istirahət və gələcək fəaliyyətlərində uğurlar arzu edib.

Tətil günlərində davam edən düşərgə proqramı çərçivəsində təhsil işçiləri üçün zəngin və çoxşaxəli maraqlı fəaliyyət planı hazırlanıb. Proqram həm milli-mədəni dəyərlərin təbliğini, həm də təhsil işçilərinin peşəkar inkişafını təşviq etməyə yönəlib.

Bayram tədbirləri çərçivəsində Novruzun qədim ənənələrini əks etdirən müxtəlif mədəni və əyləncəli tədbirlər təşkil edilib.

Bununla yanaşı, düşərgə müddətində Azərbaycanın tanınmış elm xadimləri və mütəxəssislərinin iştirakı ilə müxtəlif mövzularda təlim və seminarlar da təşkil olunacaq.

Şəhər 6 nömrəli tam orta ümümtəhsil məktəbin təqaüddə olan ingilis dili fənni üzrə müəllimi Həsənov Hüsən və həyat yoldaşı, kimya fənni üzrə müəllim Quluyeva Xanım müəllimin ailəsində oldu.

ETİHİ Ağcabədi Rayon Komitəsi , Şəhər 6 nömrəli tam orta ümümtəhsil məktəbin təqaüddə olan ingilis dili fənni üzrə müəllimi Həsənov Hüsən və həyat yoldaşı, kimya fənni üzrə müəllim Quluyeva Xanım müəllimin ailəsində oldu.

Uzun illər ərzində təhsil sahəsində göstərdiyi səmərəli fəaliyyəti, peşəkarlığı və gənc nəslin təlim tərbiyyəsindəki xidmətləri yüksək qiymətləndirilib.Hər iki cütlük tədris illərində məsuliyyəti və pedaqoji ustalığı ilə daim kollektivin , rayon ictimayyətinin hörmət və rəğbətini qazanıb.

Hüsən müəllim uzun illər məktəb həmkarlar təşkilatının sədri vəzifəsində çalışıb. Tədris illərində dəfələrlə həmkarlar təşkilatının fəaliyyətindəki işlərə görə ETİHİ Ağcabədi Rayon Komitəsi tərəfindən fəxri fərmanla təltif edilib.

Müqəddəs Ramazan ayı və Novruz bayramı münasibəti həmkarlar təşkilatının fəxri üzvüləri olan Hüsən və Xanım müəllimi ,Elm və Təhsil İşçiləri Həmkarlar İttifaqı Ağcabədi Rayon Komitəsi adından təbrik edirik.

Ə.Məmmədov adına Salmanbəyli kənd tam orta ümumtəhsil məktəbin direktoru,oğlunun vaxtsız vəfatı ilə səhətində yaranmış xəstəliklə əlaqədər təqaüddə olan Məmmədova Gülbikə Əli qızının ailəsində olduq.

21.03.2026 ETİHİ Ağcabədi Rayon Komitəsi , Ə.Məmmədov adına Salmanbəyli kənd tam orta ümumtəhsil məktəbin direktoru,oğlunun vaxtsız vəfatı ilə səhətində yaranmış xəstəliklə əlaqədər təqaüddə olan Məmmədova Gülbikə Əli qızının ailəsində olduq.

Müqəddəs ramazan ayı və novruz bayramı münasibəti ilə Məmmədova Gülbikə Əli qızının məktəbli nəvələrinə Azərbaycan Həmkarlar İttifaqları Konfederasiyası və Elm və Təhsil İşçiləri Həmkarlar İttifaqı Respublika Komitəsi tərəfindən göndərilmiş bayram hədiyyələri təqdim edildi.

ETİHİ Ağcabədi Rayon Komitəsi ,Uşaq Gənclər İdman Şahmat məktəbinin məşqiçi müəllimi Nəcəfov Pərviz Şevindik oğlunun vaxtsiz vəfatı ilə əlaqədar ailəsində oldu.

ETİHİ Ağcabədi Rayon Komitəsi ,Uşaq Gənclər İdman Şahmat məktəbinin məşqiçi müəllimi Nəcəfov Pərviz Şevindik oğlunun vaxtsiz vəfatı ilə əlaqədar ailəsində oldu.

Müqəddəs ramazan ayı münasibəti ilə komitə üzvüləri , oğul itirmiş, M.Aranlı adına şəhər 11 nömrəli tam orta ümumtəhsil məktəbinin fəxri müəllimi , hal hazırda təqaüddə olan Almaz müəllimin azda olsa dərdinə şərik olmağa çalışdıq.

Ailənin tək övladı olan balaca Nilufərə, Azərbaycan Həmkarlar İttifaqları Konfederasiyası və Elm və Təhsil İşçiləri Həmkarlar İttifaqı Respublika Komitəsi tərəfindən göndərilmiş bayram hədiyyələri təqdim edildi.

"Novruz bayramı" münasibəti ilə balaca fidanlar.

ETİHİ Ağcabədi Rayon Komitəsinin üzv təşkilatı olan Şəhər 4 nömrəli körpələr evi uşaq bağçasında "Novruz bayramı" münasibəti ilə balaca fidanlar.