Xəbərlər

1 İyun – Uşaqların Beynəlxalq Müdafiəsi Günü münasibətilə tədbir keçirildi

1 İyun – Uşaqların Beynəlxalq Müdafiəsi Günü münasibətilə Ağcabədi Rayon ümumtəhsil müəssisələrində bayram tədbiri təşkil olunub. Tədbirdə uşaqların iştirakı ilə müxtəlif çıxışlar, əyləncəli proqramlar və bayram nömrələri təqdim edilib. Bayram tədbirinin keçirilməsində əsas məqsəd uşaqların sevincini bölüşmək, onların asudə vaxtını səmərəli təşkil etməkdir.

1 iyun - Uşaqların Beynəlxalq Müdafiəsi Günüdür.

Ağcabədi Rayon 3 nömrəli körpələr evi uşaq bağçasında bayram tədbiri təşkil edildi. Tədbirdə uşaqların iştirakı ilə müxtəlif çıxışlar, əyləncəli proqramlar və bayram nömrələri təqdim edilib.

Ağdamda “Qarabağ I Uşaq Kitab Festivalı” keçirilib

Ağdam şəhərində “Qarabağ I Uşaq Kitab Festivalı” təşkil olunub. Festival çərçivəsində kitab sərgiləri, panel müzakirələri və müxtəlif maarifləndirici proqramlar keçirilib.

QRTİ Ağcabədi rayon üzrə tədris müəssisələrinin müəllim və şagirdləri “Qarabağ I Uşaq Kitab Festivalı”nda böyük həvəslə iştirak ediblər.

Həmkarlar İttifaqı üzvlərinin istirahəti təşkil olunub.

Həftəsonu həmkarlar ittifaqı üzvlərinin istirahətinin səmərəli təşkili məqsədilə Ağcabədi Rayon Rabil Quliyev adına Taynaq kənd tam orta ümumtəhsil məktəbinin həmkarlar təşkilatının üzvləri üçün Qəbələ–İsmayıllı istiqamətində bir günlük tur təşkil olunub.

Tur çərçivəsində müəllimlərin asudə vaxtının səmərəli təşkili, onların sosial rifahının yüksəldilməsi və kollektiv arasında həmrəyliyin möhkəmləndirilməsi məqsədi diqqət mərkəzində saxlanılıb.

Bir günlük səfər zamanı müəllimlərə göstərilən diqqət və qayğıya görə məktəbin direktoru Behbudov Tapdıq Mahmud oğlu çıxış edərək Azərbaycan Həmkarlar İttifaqları Konfederasiyasına, ETİHİ Respublika Komitəsinə təşəkkürünü bildirib. O, həmçinin ölkəmizin azadlığı və müstəqilliyi uğrunda qətiyyətlə çalışan, xalqımıza qələbə sevincini yaşadan Müzəffər Ali Baş Komandan, Azərbaycan Respublikasının Prezidenti İlham Əliyevə minnətdarlığını ifadə edib.

28 May – Müstəqillik Günü xalqımızın milli qürur və birliyinin simvoludur

ETİHİ Ağcabədi Rayon Komitəsinin təşkilatçılığı ilə Məmməd Aranlı adına 11 nömrəli tam orta ümumtəhsil məktəbinin həmkarlar təşkilatının üzvləri Ağdam, Xocalı, Xankəndi və Şuşa şəhərlərinə səfər ediblər.

Səfərin əsas məqsədi 28 May – Müstəqillik Günü münasibətilə işğaldan azad edilmiş ərazilərdə aparılan genişmiqyaslı yenidənqurma, abadlıq və quruculuq işləri ilə yaxından tanış olmaq, eyni zamanda həmkarlar ittifaqı üzvlərinin həftəsonu istirahətinin səmərəli təşkil edilməsindən ibarət olub.

Bir günlük tur çərçivəsində həmkarlar ittifaqı üzvlərinə göstərilən diqqət və qayğıya görə məktəbin direktoru Lətafət Əlizadə çıxış edərək Azərbaycan Həmkarlar İttifaqlarına minnətdarlığını bildirib, xalqımıza tarixi Qələbə sevincini yaşadan Müzəffər Ali Baş Komandan İlham Əliyevə təşəkkür və ehtiramını ifadə edib.

28 May - Azərbaycanın Müstəqillik Günüdür

Ağcabədi rayon Hacıbədəlli kənd tam orta ümumtəhsil məktəbi və Hacıbədəlli kənd Uşaq Musiqi Məktəbinin birgə təşkilatçılığı ilə 28 May – Müstəqillik Günü münasibətilə tədbir keçirilib.

Əvvəlcə Şəhidlər Xiyabanı ziyarət olunaraq şəhidlərin xatirəsi ehtiramla yad edilib, məzarları üzərinə gül dəstələri qoyulub. Tədbir Dövlət Himni ilə başlayıb, Ümummilli Lider Heydər Əliyevin və şəhidlərimizin xatirəsi bir dəqiqəlik sükutla anılıb.

Çıxış edənlər 28 May – Müstəqillik Gününün tarixi əhəmiyyətindən bəhs edərək gənclərə vətənpərvər, savadlı və dövlətinə bağlı vətəndaş olmağı tövsiyə ediblər.

Tədbirdə ETİHİ Ağcabədi Rayon komitəsinin nümayəndəsi, müharibə iştirakçıları,kənd sakinləri iştirak etdi.

Şagirdlər vətənpərvərlik mövzusunda şeirlər söyləyib, musiqi nömrələri təqdim ediblər.

Sonda Azərbaycan tarixi üzrə keçirilmiş intellektual yarışda fərqlənən şagirdlər təşəkkürnamə ilə təltif edildi.

28 May – Müstəqillik Günü münasibətilə tədbir keçirildi

28 May – Müstəqillik Günü və Qurban bayramı münasibətilə tədris müəssisələrində QRTİ Ağcabədi rayon üzrə Təhsil Sektorunun təşkilatçılığı ilə silsilə tədbirlər davam edir.

Rayonda şagirdlərin, müəllimlərin və valideynlərin asudə vaxtının səmərəli təşkili məqsədilə Ağcabədi Olimpiya İdman Kompleksində bədii-əyləncəli proqram təşkil olunub. Proqram çərçivəsində çıxış edən akrobatlar, öyrədilmiş heyvanların nümayişi və müxtəlif əyləncəli oyunlar xüsusilə azyaşlı uşaqlarda böyük maraq və sevinc hissi yaradıb.

Tədbirin əsas məqsədi bayram əhval-ruhiyyəsinin yüksəldilməsi, uşaqların asudə vaxtının səmərəli təşkili və iştirakçılar arasında birlik, həmrəylik mühitinin gücləndirilməsi olub.

Yaş həddi ilə əmək müqaviləsinə xitam verilən müəllimlər.

2025-2026-cı tədris ilində yaş həddi ilə əmək müqaviləsinə xitam verilən müəllimlər ilə görüş keçirilib

Görüşün əsas məqsədi 28 may Müstəqillik günü və Qurban bayramı münasibətilə,görüş təşkil etmək ,uzun illər təhsil sahəsində fəaliyyət göstərən müəllimlərin əməyinə təşəkkür etmək, onların pedaqoji fəaliyyətini yüksək qiymətləndirmək olub.

Dəvət edilən qonaqlar "Aran" qəzetinin baş redaktoru Məhsəti Musa,

Yeni Azərbaycan Partiyası Ağcabədi rayon təşkilatının sədr müavini Nazim Bünyadov , Ağcabədi rayon Mirzə Fətəli Axundov adına 3 nömrəli məktəb-liseyin təqaüddə olan əməkdar müəllimləri Zəhra İbrahimova və Camal Abbasov çıxışlarında Həmkarlar təşkilatının fəalıyyətindən,müəllimlərin əmək hüquqlarının qorunması ,mədəni kütləvi tədbirlərin təşkil edilməsi və təqaüd məsələləri barədə ətraflı məlumatlar verilib

Qeyd olunub ki, Elm və Təhsil İşçiləri Həmkarlar İttifaqı Ağcabədi Rayon Komitəsinin qapıları təqaüddə olan müəllimlərin üzünə hər zaman açıqdır .

28-May Müstəqillik Günü xalqımızın milli qürur və birliyinin simvoludur.

Ağcabədi şəhər Məmməd Aranlı adına 11 nömrəli tam orta ümumtəhsil məktəbinin həmkarlar təşkilatının sədri Tahirov Kamran müəllimin təşkilatçılığı ilə həmkarlar ittifaqı üzvlərinin Ağdam, Xocalı, Xankəndi və Şuşa şəhərlərinə səfəri təşkil olunub.

Səfərin əsas məqsədi 28 May – Müstəqillik Günü münasibətilə işğaldan azad edilmiş ərazilərdə həyata keçirilən genişmiqyaslı yenidənqurma, abadlıq və quruculuq işləri ilə yaxından tanış olmaq, həmçinin həftəsonu həmkarlar ittifaqı üzvlərinin istirahətinin səmərəli təşkil edilməsindən ibarət olub.

Bir günlük tur çərçivəsində iştirakçılar azad olunmuş torpaqlarda aparılan inkişaf proseslərini yerində izləmək imkanı əldə ediblər. Səfər iştirakçıları göstərilən diqqət və qayğıya görə Azərbaycan Həmkarlar İttifaqlarına təşəkkürlərini bildirərək, ölkəmizə qələbə sevincini yaşadan Müzəffər Ali Baş Komandan İlham Əliyevə minnətdarlıqlarını ifadə ediblər.

“Qərbi Azərbaycan İrsi Məktəblərdə”.

“Əminəm ki, gün gələcək və Qərbi Azərbaycandan olan soydaşlarımız, onların yaxınları, uşaqları, nəvələri tarixi diyarımız olan Qərbi Azərbaycana qayıdacaqlar. Mən əminəm ki, o gün gələcək və Qərbi azərbaycanlılar böyük coşğu və həvəslə öz doğma torpaqlarına qayıdıb orada yaşayacaqlar.”

İlham Əliyev

Ağcabədi rayon Mirzə Fətəli Axundov adına 3 nömrəli məktəb-liseydə “Qərbi Azərbaycan İrsi Məktəblərdə” mövzusunda ümumrayon tədbiri keçirilib.

Tədbir Qərbi Azərbaycan İcması, Elm və Təhsil İşçiləri Həmkarlar İttifaqı Ağcabədi Rayon Komitəsi və Yeni Azərbaycan Partiyası Ağcabədi rayon təşkilatının birgə təşkilatçılığı ilə baş tutub.

Əvvəlcə Azərbaycan xalqının Ümummilli Lideri Heydər Əliyevin və Vətənin azadlığı uğrunda canlarından keçən şəhidlərin əziz xatirəsi bir dəqiqəlik sükutla yad edilib.

Tədbiri giriş sözü ilə açan Elm və Təhsil İşçiləri Həmkarlar İttifaqı Ağcabədi Rayon Komitəsinin sədri Arzu Niftalıyeva bildirib ki, tədbirin əsas məqsədi Qərbi Azərbaycanla bağlı tarixi həqiqətlərin, milli-mədəni irsimizin və soydaşlarımızın yaşadıqları tarixi torpaqlar haqqında məlumatların müəllimlər və məktəblilər arasında geniş təbliği, şagirdlərdə milli yaddaşın formalaşdırılması, vətənpərvərlik ruhunun daha da gücləndirilməsidir.

Daha sonra Qərbi Azərbaycan İcmasının Ağcabədi rayon üzrə nümayəndəsi Radə Qafarova çıxış edərək Qərbi Azərbaycanın tarixi, azərbaycanlıların həmin torpaqlarda yaratdığı zəngin mədəni irs, soydaşlarımızın deportasiyalara məruz qalması və bu həqiqətlərin gələcək nəsillərə çatdırılmasının əhəmiyyətindən bəhs edib. Çıxışı zamanı Qərbi Azərbaycanın tarixi və mədəni irsinə dair müxtəlif kitablar nümayiş etdirilib, iştirakçılara həmin nəşrlər haqqında ətraflı məlumat verilib.

Yeni Azərbaycan Partiyası Ağcabədi rayon təşkilatının sədr müavini Nazim Bünyadov çıxışında gənc nəslin milli ruhda tərbiyə olunmasının, tarixi həqiqətlərin məktəblərdə geniş şəkildə təbliğinin və Qərbi Azərbaycan mövzusunun gələcək nəsillərə düzgün formada çatdırılmasının vacibliyini vurğulayıb.

Tədbirdə çıxış edən məktəb-liseyin təqaüddə olan əməkdar müəllimləri Zəhra İbrahimova və Camal Abbasov Qərbi azərbaycanlılarla bağlı xatirələrini bölüşüblər. Onlar deportasiya dövründə Qərbi Azərbaycandan olan ailələrin Ağcabədi rayonu ərazisində məskunlaşması, yeni mühitə uyğunlaşma prosesi və həmin insanların üzləşdikləri çətinliklər barədə danışıblar. Eyni zamanda, mövzunun məktəblərdə tədrisinin əhəmiyyətini xüsusi vurğulayıblar.

Yekunda Ağcabədi rayon Hacıbədəlli kənd tam orta məktəbinin müəllimi, əslən Qərbi azərbaycanlı olan Həqiqət Murtuzova çıxış edərək milli irsin gələcək nəsillərə çatdırılmasında müəllimlərin mühüm rolundan danışıb. O, doğulduğu Qərbi Azərbaycan torpaqları, ata yurdu və uşaqlıq xatirələri ilə bağlı duyğularını tədbir iştirakçıları ilə bölüşüb.

Tədbirdə xüsusi qeyd olunub ki, məktəblərdə Qərbi Azərbaycan mövzusunda açıq dərslərin təşkili, müxtəlif müsabiqələrin keçirilməsi və maarifləndirici tədbirlərin genişləndirilməsi şagirdlərin tarixi yaddaşının formalaşdırılması, milli-mənəvi dəyərlərə bağlılığının gücləndirilməsi baxımından mühüm əhəmiyyət kəsb edir.

Sonda vurğulanıb ki, Qərbi Azərbaycan həqiqətlərinin yaşadılması, milli həmrəyliyimizin qorunması və gələcək nəsillərə ötürülməsi hər birimizin mənəvi borcudur.

Azərbaycanı dünya siyasətinin mürəkkəb yollarından yüksək məharətlə keçirərək ölkəmizə qələbə sevincini yaşadan, Azərbaycanı qalib dövlət, xalqımızı isə məğrur xalq kimi tanıdan Müzəffər Ali Baş Komandan İlham Əliyevə minnətdarlıq ifadə olunub.

Uşaq Hüquqları” mövzusunda maarifləndirici tədbir keçirildi

Ağcabədi rayonunun təhsil müəssisələrində “Uşaq Hüquqları” mövzusunda maarifləndirici tədbirlər təşkil olunub. Tədbirin əsas məqsədi şagirdlərin öz hüquqlarını tanımasına, həmin hüquqlara hörmətlə yanaşmasına və onların qorunmasının vacibliyini dərk etməsinə dəstək göstərmək olub.

Ağcabədi şəhər 1 nömrəli tam orta ümumtəhsil məktəbinin psixoloqu İlhamə Hüseynova , Taxtakörpü qəsəbə 1 nömrəli tam orta ümumtəhsil məktəbində ,Ağabəyli kənd ümumi orta məktəbinin müəllimi Murtuzova Rövşanə İsa qızı və UBR Kərimli Aysel Əlövsət qızının , Xocavənd kəndi S. Hüseynov adına 1 nömrəli tam orta ümumtəhsil məktəblərində ,təsdiq olunmuş tədbirlər planına uyğun olaraq “Hüququnu bil, gələcəyini qur” ,Mənim hüquqlarım " “İnsan hüquqları aylığı” çərçivəsində adlı tədbir, inşa və şeir müsabiqələri, dəyirmi masalar, eləcə də maarifləndirici söhbətlər keçirilib.

Keçirilən tədbirdə uşaqların hüquqları, onların qorunması, cəmiyyətdə rolu və əhəmiyyəti barədə ətraflı məlumat verilib.

Maarifləndirici söhbət zamanı uşaqların təhsil almaq, təhlükəsiz mühitdə yaşamaq, fikirlərini sərbəst ifadə etmək, sağlam inkişaf etmək kimi əsas hüquqları barədə geniş danışılıb, şagirdlərin sualları cavablandırılıb.

Şagirdlərə bilik və bacarıqlarının inkişafında,töhfə verən müəllimlərə ETİHİ Ağcabədi Rayon Komitəsi təşəkkürünü bildirir.

📚Xalq şairi Səməd Vurğun -120

Ağcabədi şəhər 1 nomrəli tam orta ümumtəhsil məktəbində Xalq şairi Səməd Vurğunun 120 illik yubileyinə həsr olunmuş tədbir keçirildi.

Tədbir məktəbin həmkarlar təşkilatının sədri Hacıyeva Nuridə müəllimin təşkilatçılığı ilə baş tutdu. Tədbirin keçirilməsində əsas məqsəd görkəmli şair Səməd Vurğunun yaradıcılığı vasitəsilə milli şüurun formalaşdırılması, həmkarlar ittifaqı üzvlərinin və yeniyetmələrin vətənpərvərlik ruhunun gücləndirilməsi idi.

Tədbirdə məktəbin müəllimləri , qonaqıar çıxış edərək şairin zəngin ədəbi irsi haqqında ətraflı məlumat verdilər. Məktəbin şagirdləri Səməd Vurğun obrazını və “Vaqif” dramından səhnəciklər canlandıraraq iştirakçıların böyük marağına səbəb olub.